Торино одигра голем натпревар на Сан Мамеш, го елиминираше Атлетик Билбао (видео)

Италијанскиот тим Торино дојде до голема победа на гостувањето кај Атлетик Билбао победувајќи со 3-2 и се пласираше во следната рунда од Лига Европа. Првиот натпревар во Торино заврши 2-2 и се чинеше дека домаќинот нема да има никакви проблеми пред своите навивачи. Така не мислеа и гостите кои ги искористија шансите за победа и сосема заслужено се веќе во следната рунда.

Athletic Bilbao vs Torino 2-3 All Goals and… by enteritament

Херојски натпревар одигра Бешикташ кој пред своите навивачи успеа да го елиминира големиот Ливерпул победувајќи во пенал рулетот. Во регуларниот дел натпреварот заврши со 1-0 а стрелец беше Арслан. Првиот натпревар во Ливерпул заврши со идентичен резултат. Откако во продолженијата немаше погодок, победникот мораше да биде решен по изведувањето на пеналите. Трагичар беше Дејан Ловрен кој во последната серија го промаши цел гол и со тоа им обезбеди уште најмалку една рунда на Бешикташ.

Besiktas 1 – 0 Liverpool [PEN: 5 – 4] All Goals… by ViralDailyTV

Рома успеа да слави победа во Холандија против Феенорд со 2-1 и со тоа да се пласира во осминафиналето. Првиот натпревар заврши со резултат 1-1, но Рома смогна сили и заслужено славеше победа. Овој натпревар на двапати беше прекинат поради дивеење на домашните навивачи на трибините. Сепак судијата успеа да го приведе до крај. Феенорд овој меч го заврши со девет играчи бидејќи во второто полувреме беа исклучени Те Вреде и Мулдер.

Feyenoord vs AS Roma 1-2 All Goals and Full… by enteritament

Реванш натпревари 1/16 финале:

Атлетик Б. – ТОРИНО (2-2), БРИЖ – Алборг 3-0 (3-1), ЕВЕРТОН – Јанг Бојс 3-1 (4-1), Феенорд – РОМА (1-1), НАПОЛИ – Трабзон 1-0 (4-0), Олимпијакос – ДЊИПРО 2-2 (0-2), Спортинг – ВОЛФСБУРГ 0-0 (0-2), БЕШИКТАШ – Ливерпул 1-0 (0-1), ФИОРЕНТИНА – Тотенхем 2-0 (1-1), ДИНАМО К. – Гингамп 3-1 (1-2), ИНТЕР – Селтик 1-0 (2-2), Легија – АЈАКС 0-3 (0-1), Борусија М. – СЕВИЛЈА 2-3 (0-1), Салцбург – ВИЛЈАРЕАЛ 1-3 (1-2), ДИНАМО МОСКВА – Андерлехт 3-1 (0-0), ЗЕНИТ – ПСВ 3-0 (1-0).

* Во заграда се резутатите од првите натпревари
* Со големи букви се екипите кои се пласираа понатаму

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.