Вечерва со почеток од 20.45 часот се играат две нови средби во нокаут-фазата од фудбалската Лига на шампиони.
Два големи натпревари кои сигурно предизвикуваат голем интерес.
Жрепката сакаше во оваа фаза да се сретнат едни од двата тима што се вбројуваат како најсериозни кандидати за освојување на ова натпреварување оваа сезона, Барселона и Манчестер сити.
Барселона игра во одлична форма и на 12 последователни натпревари има 11 победи и само еден пораз, тој против Малага во домашното првенство.
Барселона најави дека ќе излезе на терен со крајно офанзивна тактика обидувајќи се да го реши патникот за четврт-финалето уште на првиот натпревар.
Менаџерот на Манчестер сити го има поголемиот товар бидејќи во составот, секако, ќе го нема „моторот“ на тимот Јаја Туре. Тој го одработува последниот натпревар од суспензијата поради добиениот црвен картон во групната фаза против тимот на ЦСКА Москва.
Отсуството на Јаја Туре ќе биде голем хендикеп, бидејќи Манчестер Сити се мачеше со игрите додека тој беше отсутен поради репрезентативни настапи за Брегот на слоновата коска на Купот на Африкански нации во јануари.
Поради тоа Пелегрини ќе се одлучи за нешто позатворена формација со еден напаѓач Серхио Агуеро, додека Милнер ќе биде како помош за Аргентинецот во нападот.
Еднакво интересно се очекува да биде и во Торино каде забрефтаниот Јувентус го пречекува грогираниот тим на Борусија Дортмунд која сепак се враќа на победничките патеки победувајќи на последните три средби во Бундес лигата.
Ова е реприза на финалето од 1997 година кога Борусија успеа да дојде до тронот и секој симпатизер на „старата дама“ посакува освета.
Можни состави:
МАНЧЕСТЕР СИТИ – БАРСЕЛОНА
МАНЧЕСТЕР СИТИ: Харт, Забалета, Мангала, Компани, Клиши, Фернандињо, Фернандо, Насри, Силва, Милнер, Агуеро.
Суспендиран: Јаја Туре
БАРСЕЛОНА: Браво, Алба, Маскерано, Пике, Алвеш, Бускетс, Ракитиќ, Иниеста, Нејмар, Меси, Суарез.
Повредени: Вермален, Даглас.
ЈУВЕНТУС – БОРУСИЈА Д.
ЈУВЕНТУС: Буфон, Лихтштајнер, Кјелини, Бонучи, Евра, Маркизио, Пирло, Погба, Видал, Мората, Тевез.
Повредени: Барѕалји, Матри, Асамоа.
БОРУСИЈА Д.: Вајденфелер, Пишчек, Сократис, Хумелс, Шмелцер, Бендер, Гундоган, Блашчиковски, Мхитаријан, Ројс, Обамејанг.
Повредени: Гроскројц, Кампл
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
