Режисерката на „50 нијанси сиво“, Сем Тејлор-Џонсон, е цврсто решена да ја напушти продукцијата. Според гласините, русокосата режисерка немала желба да работи на вториот дел на екранизацијата на еротската трилогија.
Причина е авторката на книгите Е.Л.Џејмс, која постојано се меша во нејзината работа.
– Авторката предизвика куп спорови за време на снимањето. Таа инсистираше сѐ да биде онака како што самата таа го гледа и игнорираше многу од одлуките на Сем. Токму поради тоа, филмот задоцни толку и има толку негативни критики – изјави човек од екипата на филмот.
Сепак, сѐ уште не е објавено официјално дека режисерката Сем Тејлор-Џонсон се откажува од снимањето на вториот дел на филмот.
Останува фактот дека циркулираат сериозни гласини дека писателката Е.Л.Џејмс навистина била пречка во работата на филмска екипата и дека тие многу тешко го поднеле нејзиното присуство и нејзините заповеди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
