Лив Тајлер доби момченце заедно со Дејвид Гарднер. Актерката веќе има 10-годишен син Мајли од поранешниот сопруг Ројстон Лангдон. Името на бебето сè уште не е објавено. Ова се случило во средата – 11 февруари. Портпаролот на двојката пред списанието „Пипл“ го изјави следново: Бебето е здраво и сите се многу среќни.

Сепак, извор близок до семејството на Лив, рекол пред медиумите дека малиот ќе мора да остане некое време в болница, бидејќи се родил шест недели порано.
37-годишната ќерка на Стивен Тајлер во декември 2014 година потврди дека очекува второ дете, откако призна дека сите нејзини соништа се остваруваат, а еден од нив бил и да стане мајка повторно.

– Седум години сонувам да станам мајка и да снимам телевизиска серија со добра екипа. Сакав да имам и куќа подалеку од градот. Па, сите овие мои соништа се остварија во една година. Како да фатив брз воз – се пошегува Лив.

Во моментов убавицата е ѕвезда во шоуто на HBO, „Остатоците“ (The Leftovers), во кое учествува и Џастин Теру.

Таткото на вториот син на Лив – Дејвид е многу добар пријател на Дејвид Бекам и има седумгодишен син – Греј, од поранешната сопруга Давинија Тејлор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.