Рускиот претседател Владимир Путин ги повика украинските војници коишто се опколени од рускојазичните бунтовници во важниот железнички јазол на истокот од Украина – Дебалцево, да го положат оружјето за во недела да може во недела да стапи на сила договорот за прекин на огнот договорен претходно во белоруската престолнина Минска, на преговорите со украинскиот и францускиот колега, Петро Порошенко и Франсоа Оланд, и со германската канцеларка Ангела Меркел.
-Милициите (како што официјална Москва ги нарекува рускојазичните бунтовници во источна Украина – з.р.) тргнуваат од принципот дека таа група ќе го положи оружјето пред прекинот на огнот, изјави рускиот претседател Владимир Путин.
Според договорот кој во Минск по 16-часовните преговори во четвртокот претпладне го постигнаа меѓу четворицата челици и Контактната група којашто ја сочинуваат претставници на Киев, Москва и на Организацијата за безбедност и соработка во Европа (ОБСЕ), прекинот на огнот треба да стапи на сила на полноќ на 15-ти февруари, недела.
-Претставниците на украинската влада сметаат дека нема никакво обрач и дека сé ќе оди многу лесно. Од почетокот се сомневам во тоа, рече Путин.
Борбите во Дебалцево, кој е важен железнички јазол во источна Украина меѓу двата бунтовнички центра Донецк и Луганск, се разгореа кон крајот на јануари и неговата контрола од страна на одметнатите самопрогласени ткн „народни републики“ ќе биде ново ослабување на позициите на владата во Киев.
Путин ја спомена и можноста да се отвори коридор за евакуација на украинските војници. Проруските бунтовници и пред две седмици оставија коридор за повлекување на украинските сили, но го затворија откако ја обвинија владата во Киев дека го искористила за во Дебалцево да доведе дополнителни единици и воена техника.
Рускиот претседател смета дека во опкружување во Дебалцево се наоѓаат меѓу 6.000 и 8.000 украински војници. Неговите процени ги негираше портпаролот на украинската армија Владислав Селезнев кој тврди дека „нема украински војници опколени во Дебалцево“, но признава дека „ситуацијата таму е многу напната“.
Претходно портпаролот на воената операција на украинската армија во источните региони Андриј Лисенко, тврдеше дека бунтовниците групираат тешко вооружување во Дебалцево кое според него е дел од тампон зоната договорена меѓу Киев и бунтовниците и во неа не смее да има тешко вооружување.
Лисенко уште додека траеја преговорите во Минска се огласи со изјава дека 50 тенкови, 40 повеќекратни ракетни фрлачи од типовите „Град“, „Ураган“ и „Смреч“, кои се инаку на списокот за повлекување од демилитаризираната зона, и уте толку оклкопни возила ја минале контролната точка на руско-украинсата граница Изварино.
-Непријателот продолжува да ги јакне своите позиции на половина пат меѓу главните градови на сепаратистите Донецк и Луганск, тврди Лисенко. Меѓутоа, потврда на неговите зборови нема од независни извори.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
