Концерт во „Кула“ на француска панк група

Француската панк група „Ванк фор пис“ (Wank for peace) ќе одржи концерт на 12 февруари, четврток со почеток во 20 часот во културниот центар „Кула“ во Скопје.

Француските панкери во рамки на нивната јужно-европска турнеја, ќе го промовираат своето последно ел-пи издание „Fail Forward“. Со почетната концертна локација во Невер, Франција, Французите ја продолжуват својата музичка приказна во Србија, а потоа ќе гостуваат во Македонија.

Музичкиот панк-хард-кор бенд ја започнува својата кариера во 2008 година. Тие издаваат и два албуми од кои „What will remain“ и „Fail Forward“ во октомври 2014 година. Во меѓувреме тие изведуваат околу 300 перформанси во локално и интернационално опкружување. Се опишуваат себеси како чувство, начин и промена на нештата преку процес на напуштање.

Културниот центар „Кула“ е отворено место за споделување на креативни и уметнички содржини, а воедно цели кон поттикнување на нови иницијативи во културниот живот на градот Скопје. Оттаму нејзиното дејствување се насочува кон интегрирање и развој на алтернативни теми и идеи, генерирање на иновативни дела и размена на суштински информации во поглед на севкупното материјално и духовно егзистирање.

Тимот на „Кула“ го сочинуваат дваесетмина културни работници кои ентузијастички го споделуваат своето слободно време, волонтирајќи во овој културен центар. Својот активизам го поддржуваат со принципот на донација кој е униформен начин на делување на „Кула“, а воедно ја поддржува идејата за креативно самоодржување на еден простор.

Во изминативе неколку месеци се реализиани бројни настсани, изложби и промоции од интернационален и регионален карактер.

– Настојуваме активностите во „Кула“ да го овоплотат креативниот дух на градот и да ја реанимираат независната уметничка сцена. Програмата на местото е отворен повик за сите потенцијални или етаблирани творци, уметници, автори и здруженија да ги вмрежат своите дејствувања во обид да се создаде заедничка платформа за промоција и интеграција на културните вредности – велат од културниот центар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.