Административниот апелациски суд од Нанси ја потврди одлуката за протерувањето на семејството на Леонарда Дибрани, донесена од Суд од Безансон. Протерувањето на Леонарда и нејзиното семејство на Косово во октомври 2013 година, посебно нејзиното апсење кога таа беше на возраст од 15 години во училишниот автобус, предизвика повеќе протести на средношколците во Франција и полемика од која не беше пошетеден ни шефот на државата Франсоа Оланд.
Семејството Дибрани беа населени во Франција до 2009 година со сите нивни шест деца во Понтарлие во департманот на Дуб во близината на границата со Швајцарија. Административниот суд од Безансон минатата година ја отфрли жалбата на семејството против протерувањето, со оцена дека оспоруваните мерки биле регуларни.
Судот во таа пригода, исто така, образложи дека не постојат пречки за враќање на семејството во Косово и дека не постојат перспективи за економскo и социјалнo вклопување на таткото и мајката на Леонарда во француското општество. Францускиот претседател ѝ понуди на Леонарда Дибрани да се врати во Франција за да го заврши школувањето, но таа го одби таквиот предлог. 
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
