Германската полиција изврши акции против криминални групи во девет покраини, при што беа уапсени 11 лица, јави ДПА, повикувајќи се на органите на редот.
Во акцијата е уапсено и едно лице во Бугарија во соработка со Европол и бугарските власти.
Полицијата во Германија изврши претрес во 44 домови и канцеларии. Во операцијата учествувале над 500 припадници на безбедносните сили, а запленети се околу 55.000 евра, фалсификувани визи и пасоши, фалсификувани пари, оружје, муниција и наркотици.
Акцијата спроведена во германските покраини Шлезвиг-Холштајн, Хамбург, Долна Саксонија, Берлин, Саксонија, Тирингија, Баварија, Рајнска област-Пфалц и Северна Рајна-Вестфалија, е резултат на пет одделни истраги.
Во врска со операцијата извршени се акции и во Бугарија и Холандија со учество на Интерпол.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
