Општина Илинден прва има услуга „е-кат шалтер“

Општина Илинден е првата општина во Македонија која ја има услугата „е-кат шалтер“. Илинден во соработка со Агенцијата за катастар на недвижности од денеска ја воведе новата услуга „е-кат шалтер“.

Со оваа услуга граѓаните на шалтерите во општината можат да добиваат имотен лист, лист за предбележување на градба, евидентен лист, пописен лист со незапишани права и лист за времени објекти.

На стартот на отпочнувањето со новата услуга, покрај градоначалникот на Општина Илинден, Жика Стојановски присуствуваа и директорот на Агенцијата за катастар на недвижности, Славе Трпески и директорот на скопската подрачна единица, Диме Спасов.

Целта за воведување на шалтер на електронскиот катастар е подобрување на јавните услуги за граѓаните, квалитетен и побрз пристап до бараните услуги.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.