Ракометна револуција, Данката Кристијансен напаѓа цел меч и брани по потреба (видео)

Вистинска ракометна револуција е потегот на данскиот селектор Јан Питлик, да игра постојано со 7 ракометарки во напад против вообичаените шест на противничките репрезентации, а изведбата беше лесна благодарение на извонредната Кристина Кристијансен. Ракометарката на Данска постојано играше во нападот против Унгарија и тоа со маркер, при што Скандинавките постојано имаа играч повеќе, а потоа експресно се менуваше со голманот, или и самата бранеше.

Во ситуација кога Кристијансен немаша да стаса да се смени со голманот, таа самата беше на голот и ја чуваше мрежата на Данките. Рецептот досега невиден и неприменет во светот на ракометот се покажа како успешен и Данска ја победи Унгарија со 23-20. Досега се случувало во одредени куси периоди од играта, најчесто за еден напад, да се игра по овој терк, но цел меч, секако е новитет.

Погледнете како изгледа одличната идеа на Питлик и како тоа на дело успешно го спроведува неверојатната Кристина Кристијансен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.