Реал Мадрид си поигра со Круз Азул (видео)

Реал Мадрид во првиот полуфинален меч на Светското клубско првенство кое се одржува во Маракеш, Мароко, без многу проблеми славеше над Круз Азул од Мексико со резултат 4-0.

Европејците постигнаа по два гола во првото и во второто полувреме. Серхио Рамоз го отвори резултатот во 15. минута, Карим Бензема зголеми на 2:0 во 36., Герет Бејл во 50.минута ја продолжи серијата погодоци, за Иско во 72..минута да ги постави конечните 4:0.

За Реал Мадрид воедно ова беше и 21. победа во низа во сите натпреварувања. Шпанскиот тим во финалето в сабота ќе игра против подобриот од средбата закажана за вечер во 20:30 часот меѓу Сан Лоренцо (Аргентина) и Оукленд Сити (Нов Зеланд), додека Круз
Азул со поразениот од тој дуел ќе се бори за третото место. Клупскиот фудбалски Мундијал годинава се игра во Маракеш, Мароко.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.