Холандската влада вчера го отфрли предлогот на роднините на жртвите од авионот на Малезија ерлајнс, Обединетите нации да го преземат водењето на истрагата за случајот.
Барањето ОН да именува специјален претставник кој ќе ја води истрагата за падот на авионот во петокот го поднесе адвокатската канцеларија која застапува 20 членови на семејства на жртвите.
Тие ја обвинуваат Холандија дека не успеала да создаде законска основа да им се суди на одговорните за авионската несреќа. Во одговорот до адвокатската канцеларија, холандската влада наведе дека во истрагата не учествувале само холандски истражители, туку дека во тимот биле вклучени претставници на 11 земји, меѓу кои и Малезија, Русија и Украина, пренесува Ројтерс.
Авионот на летот НХ17 се урна на 17 јули над источна Украина. Во несреќата загинаа сите 298 патници и членови на екипажот, од кои две третини беа Холанѓани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Украинските морнари признале: Добивме задача, влеговме во руски води и тука чекавме наредби
-
Штеф Блок до Никола Димитров: Политиката на Холандија е строга, но фер!
-
Нобеловата награда за мир ќе остане во рацете на Аунг Сан Си Чи, нема да и се одземе и покрај извештајот на ОН
-
Полицијата во Холандија заплени повеќе од еден тон кокаин
