Рожерио Сени ги засени своите соиграчи од Сао Пауло (видео)

Ноќеска во Судамерикана куп во Јужна Америка, пандан на Лига на Европа, беше одигран реваншен дуелот во полуфиналето меѓу Сао Пауло од Бразил и Атлетико национал од Колумбија.

Во првиот натпревар одигран во Колумбија, Атлетико победи со 1-0. Во реваншот Сао Пауло со голот на Гансо успеа да дојде до победа и да се избори за продолженија и за пенали.
Двајца играчи на домаќините ги утнаа пеналите, едниствен кој успеа да погоди е најефикасниот голман на сите времиња ветеранот Рожерио Сени. Легендарниот голман без никаков проблем погоди во втората серија и ги остави во живот своите, но по него во третата серија утна и Толои, односно неговиот пенал го одбрани голманот на Атлетико.
Во финалето Колумбијците го чекаат победникот од аргентиското суперкласико меѓу Бока јуниорс и Ривер плата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.