Вечерва во Лигата на шампионите се одигра петтото коло во групите Е, Ф, Г и Х.
Најинтересен натпревар одиграа Манчестер Сити и Баерн Минхен. Сити со целосен пресврт од 3-2 благодарејќи на аргентинскиот репрезентативец Серхио Агуеро кој постигна хек-трик и ги задржа шансите на својот тим за пласман во следната рунда.
Манчестер Сити поведе токму со голот на Агуеро од пенал по стартот на Бенатија во казнетиот простор во 22 минута по кој заработи црвен картон.
Баерн Минхен ја покажа сета своја моќ до паузата меѓу полувремињата кога успеа со играч помалку да постигне два гола. Летното засилување од редовите на Реал Мадрид Чаби Алонсо со прекрасен погодок од слободен удар во 40 минута, а Левандовски во самиот финиш од првото полувреме ги изненади сите навивачи на домаќините на Етихад доведувајќи ги баварците во водство од 2-1.
Во вториот дел Манчестер сити тргна на се или ништо. Знаејќи го резултатот од Москва каде ЦСКА и Рома одиграа 1-1 играчите на Пелегрини мораа да победат за да се израмнат по бодовите на табелата и да дојдат шанса во последното коло да се изборат за место кое води во следната рунда.
Најзаслужен е Кун Агуеро кој успеа да ги искористи грешките на потесната одбрана на Баерн и да постигне уште два гола во самиот финиш на натпреварот. Алонсо и Боатенг беа кобни за баварците кои му подарија чисти топки на Агуеро кој во манир на расен стрелец го совлада најдобриот голман на денешницата Мануел Нојер.
Во Никозија е добиен новиот рекордер по бројот на постигнати голови во европските клупски натпреварувања. Лионел Меси со новиот хек-трик во Лигата на шампионите осамна на врвот пред иконата на Реал Мадрид Раул Гонзалес со 72 гола.
Барселона и гостуваше на екипата на Апоел и немаше проблем со домашниот тим постигнувајќи четири гола. Првиот е дело на Луис Суарез, а сите останати се дело на богот на Аргентина Лионел Меси.
Избраниците на Жозе Мурињо го торпедираа тимот на поранешниот менаџер на Челси Роберто Ди Матео со кого ја освоија Лигата на шампионите. Сепак Челси вечерва беше далеку понадмоќна екипа. Го торпедираше Шалке со 5-0 во Гелзенкирхен. Со оваа победа Челси со сигурност се пласираше во понатамошната фаза и се пласираше на првото место на табалата во групата Г.
Резултати:
ГРУПА Е: Манчестер сити – Баерн Минхен 3-2, ЦСКА – Рома 1-1
Табела: Баерн 12, Манчестер сити 5, Рома 5, ЦСКА 5
ГРУПА Ф: ПСЖ – Ајакс 3-1, Барселона – АПОЕЛ 3-0
Табела: ПСЖ 13, Барселона 12, Ајакс 2, АПОЕЛ 1
ГРУПА Г: Шалке – Челси 0-5, Спортинг – Марибор 3-1
Табела: Челси 11, Шалке 5, Спортинг 4, Марибор 3
ГРУПА Х: БАТЕ – Порто 0-3, Шахтјор – Атл. Билбао 0-1
Табела: Порто 13, Шахтјор 8, Атл. Билбао 4, БАТЕ 3
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
