„Фемен“ со голи гради во катедрала (Видео 18+)

Една членка на контроверзната асоцијација „Фемен“ попладнево со голи гради на олтарот од катедралата во Стразбур, протестираше против политичкиот карактер на посетата на папата Франциск на европските институции.
„Папата не е политичар“, беше напишано на англиски на грбот на жената, која на своите гради имаше напишано „Европа анти-лаичка“. Жената, со традиционална украинска фризура и со европско знаме во рацете, една минута стоела пред олтарот во катедралата, а потоа мирно исчезнала во толпата од посетитетли, без притоа да биде запрена.
Папата Франциск утре доаѓа во неколкучасовна посета на европските иснтитуции со седиште во Стразбур – Европскиот парламент и Советот на Европа.
Како што се дознава, папата кој доаѓа во Јужна Америка, ќе побара од земјите од „стариот континент“, да останат и натаму отворени за странците и ќе се заложи за правда во светот. Папата треба да одржи два говора, во Европскиот парламент и Советот на Европа, а според последните сознанија од програмата, не е предвидено да ја посети катедралата која го одбележува илјадолетието од почетокот на нејзината изградба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.