И покрај најавите на Реал Мадрид дека Герет Бејл не е на продажба, островските медиуми сѐ почесто пишуваат дека Велшанецот наскоро ќе се врати во Премиерлигата.
Британскиот весник „Метро“ објави дека Челси веќе пратил понуда од неверојатни 90 милиони фунти за крилниот напаѓач и сега чека одговор од Мадрид.
Дали станува збор само за шпекулација или навистина е испратена понуда за фудбалерот на Велс ќе се дознае наскоро, бидејќи се отвора период за трансфер.
Бејл претходно во Реал дојде за истата сума на пари од Тотенхем, така што мадриѓаните би можеле дури и да заработат на него.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
