Монструмот од Кавадарци имал список за одмазда – на него и политичари!

Тони Станоев, осомничениот за тројното убиство во Кавадарци имал долг список со лица на кои сакал да им се одмазди, објави порталот „Охриѓани“.

Според тврдењата на кавадаречката чаршија, изминатите два дена додека траеше потрагата по него многумина живееле во страв. Полициско обезбедување освен пред домот на неговата поранешна сопруга каде беше извршено тројното убиство и пред неговата семејна куќа имало и на уште неколку локации.

Неофицијалните информации се дека Станоев упатил закани за ликвидација и до вработени во кавадаречкиот суд. Закани добивале и претставници на локалната власт. Тони Станоев сметал дека многумина се виновни за неговата судбина.

Иако пукал прецизно и со по само еден испукан куршум ги ликвидирал жртвите тој сепак при апсењето барал одговор од полицијата дали некој преживеал.

По неговото апсење во Кавадарци се чувствува олеснување. Стравот изминатите два дена ги мачеше жителите на градот од Тиквешијата, бидејки беше познато дека Тони шета со пиштолот во рака. За среќа двата преостанати куршуми не ги искористил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.