Третиот рекет во светот Рафаел Надал добро се чувствува по операцијата на слепото црево. Шпанецот ја напуштил болницата, но не сакал да зборува за идните планови.
– И натаму чувствувам болка, што е нормално, но ова беше само едноставна операција на слепото црево. Сакам да ви се заблагодарам што се грижите за мојата здравствена состојба – изјави Надал.
На прашањата поврзани со тенисот, Надал не сакал да даде одговор.
– Мојата единствена цел сега е да одам дома и да заздравам. Очекувам за три-четири недели да бидам добро и да почнам да тренирам за да се вратам во форма. Не сакам да ја оценувам оваа сезона, сега сакам само да одморам. Кога ќе заздравам, ќе разговараме за оваа сезона, но и за плановите за следната – додаде Надал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
