Амал со куп подароци за Клуни по свадбата

Амал Аламудин-Клуни потрошила 3.700 долари за подароци за нејзиниот сопруг Џорџ Клуни по свадбата. 36-годишната адвокатка го разгалува својот сопруг со 12 рачно изработени коктел чаши од Венеција, секоја по 100 долари и сет од 12 свилени салфетки со прстени за салфетки во вредност од 2500 долари.

Џорџ Клуни и Амал Аламудин-Клуни

Двојката се венчаше во Венеција минатиот месец. На Амал ѝ се допаднала идејата да имаат исти коктел чаши како оние кои ги користеле во хотелот „Кипријан“ во Венеција. Џорџ им се восхитувал секој пат кога ќе ги погледнел за време на свадбените церемонии, а тие немаа време да одат да купуваат во Венеција, па таа ги нарачала како свадбен подарок за него. Амал планира да ги стави обоените чаши во нивниот нов дом вреден 10 милиони фунти во малото село Сонинг Ај, централна Англија. Тоа значи дека секој пат кога ќе си направат коктел дома, ќе мислат на нивната венчавка, и тоа ќе ги буди сите нивни среќни спомени. Амал оваа недела го зема презимето на Џорџ и се откажа од моминското презиме Аламудин. Во моментов таа е во Грција.

Џорџ Клуни и Амал Аламудин-Клуни

Коктел чашите и салфетките не се единствениот подарок на Амал за Џорџ по нивната свадба. Неодамна таа купила и две кучиња од расата кокер шпаниел за 53 -годишниот актер. А, пред свадбата, адвокатката му подарила на Клуни стилски манжетни за кошула.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.