Дејвид Боуви со нова песна во етерот (видео)

Познатиот британски пејач Дејвид Боуви ја претстави својата нова песна „Sue (Or In A Season Of Crime)“ во етерот на „Би-Би-Си радио 6“. Околу седумминутната џез- композиција ќе биде дел од претстојната компилација на музичарот „Ништо не се сменило“. Освен тоа, ќе излезе на 10-инчна грамофонска плоча, како и дигитално на 17 ноември.

„Sue (Or In A Season Of Crime)“ била снимена во текот на летово во Њујорк заедно со продуцентот Тони Висконти и со оркестарот на Марија Шнајдер. Набргу откако беше пуштена песната, на профилот на 67-годишниот пејач на „Фејсбук“ беше објавен и нејзиниот текст.

Марија Шнајдер (текстописец на новата песна) и Дејвид Боуви

„Ролинг стоунси“ објави дека делото е најдоброто џез-докажување на Боуви од времето на албумот Aladdin Sane (1973), a начинот на пеење го спореди со тој на пејачот Скот Вокер, кого Боуви пред извесно време го прогласи за еден од своите најголеми идоли како дете. Новата песна е прва по десетгодишното молчење на Боуви.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.