Регионалната директорка на Светската здравствена организација (СЗО), Жужана Јакаб денеска изјави дека смртоносниот вирус на ебола речиси неминовно ќе се прошири во Европа, но „стариот континент“ е добро подготвен за тоа. Само неколку часа откако е потврден првиот случај на заразата во Шпанија, таа изјави дека такви случаи се „неизбежни“.
Четири лица, вклучувајќи медицинска сестра на која и е потврдено присуството на вирусот ебола, се хоспитализирани и нивната состојба ќе биде следена, поради страв дека би можеле да ја пренесат заразата, соопштија претходно шпанските здравствени власти.
– Таквите случаи најверојатно ќе се случуваат и во иднина, рече Јакаб и истакна оти тоа е неизбежно, бидејќи многу луѓе од Европа патуваат во погодените земји и обратно.
Според неа, најголем ризик да заболат имаат здравствените работници кои се грижат за пациентите, како и нивните семејства.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
