Јелена Јованова ќе биде нова Бонд-девојка?

Македонската актерка Јелена Јованова би можела да заигра во новиот филм за Џемс Бонд, пишува српски Блиц.

Јелена (29) играше во филмот „Земја на крв и мед“ на Анџелина Џоли, а сега би можела да забележи уште поголем успех во кариерата бидејќи влегла во вториот круг на кастингот за филмот за агентот 007, кој засега носи наслов „Бонд“.

– Дојдоа до мене преку менаџерката за кастинг од Сараево – потврдила младата актерка и додала дека не одела на аудиција, туку е избрана врз основа на видеоснимка.

Додава дека не е сигурна дали, сепак, ќе успее да заигра со Даниел Крег бидејќи сѐ уште не добила никакав повик или потврда од Лондон.

Таа моментно живее на релација Скопје – Загреб, каде што работи на серијата „Тајни“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.