Реал Мадрид ја декласираше Депортиво Ла Коруња со 8-2 (видео)

Тимот на Депортиво Ла Коруња денеска беше декласиран на својот стадион Риазор од Реал Мадрид со 8-2.
Полека но сигурно актуелниот еврпоски шампион по двата пораза во шпанската Примера дивизија се буди и целит бес го истури врз домашната екипа.
Нов хек-трик постигна најдобриот светски играч Кристијано Роналдо. Најскапиот светски играч Герет Бејл постигна 2, а најскапото летно засилување Џејмс Роригез постигна вистински еврогол. Новиот напаѓач Чичарито исто така ги постигна своите први голови за кралскиот клуб.
Гол серијата ја отвори Роналдо со гол во 29 минута. Вистинско ремек дело постигна Родригез само седум минути подоцна. Серијата голови во првиот дел ја затвори Роналдо со неговиот втор гол четири минути пред судијата да означи крај на првото полувреме.
Искра надеж за домаќините додаде босанскиот интернационалец Медунјанин од пенал во 51 минута. Сепак Герет Бејл не дозволи никакво изненадување и со двата гола во 66 и 74 минута го доведе својот тим во предност од дури четири гола. По само четири минути Роналдо го постигна својот трет гол на натпреварот. До крајот на натпреварот Депортиво постигна уште еден гол преку Токе во 84 минута. Замената за Бејл новајлијата во редовите на „кралевите“ Чичарито со два еврогола во 88 и 92 минута ја затвори оваа фантастична гол серија.
Со оваа победа Реал Мадрид по четири кола има шест бода. Најголемите конкуренти за титулата Атлетико Мадрид и Барселона своите натпревари ги играат подоцна против Селта односно Леванте.

Dep. La Coruna 2-8 Real Madrid (All Goals) 20… by PrimeraLiga

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.