Настојувањата на Шкотска да стане независна, како што своевремено таква идеја постоеше во Каталонија, го поткопува европскиот дух, рече шпанскиот премиер Маријано Рахој, еден ден пред референдумот во Шкотска.
– Сите во Европа веруваат дека таквите процеси се крајно негативни – рече Рахој. Тие процеси се мини за европскиот дух, бидејќи Европа е замислена да ги интегрира државите, а не да ги подели.
Тој предупреди дека независна Шкотска не би можела да очекува стапување во членаство во Европската унија, а неговиот министер за надворешни работи додаде дека шкотската сецесија би претставувала катастрофа.
– Би дошло до балканизација, која во Европа, во моментов, никој не ја посакува. Обединетото Кралство би било оштетено, а неговиот политичко-економски престиж во светот би бил загрозен, а на Европската унија ѝ треба Обединетото Кралство – рече шпанскиот шеф на дипломатијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
