ВМРО-ДПМНЕ: Нека овој ден вечно ги потхранува визијата и стремежот за подобра Македонија

ВМРО-ДПМНЕ на сите граѓани на Република Македонија им го честита Денот на државноста 8 септември. Овој празник преставува остварување на една голема идеја, да се има своја држава.

Во овие години на независност Македонија се соочи со многу премрежја и предизвици, многу препреки и проблеми. Но граѓаните покажаа дека обединети, сложно и со заедничка волја може да се постигне многу повеќе, тие покажаа дека заедничката иднина и просперитетот е поважен од поделбите и несогласувањата.

Затоа, нека овој ден не обединува и потсетува на потребата заедно сите да се вложиме во процесот на изградбата и напредокот на нашата татковина, нека овој ден не потсетува на предизвиците кои сме ги надминале и нека овој ден вечно ги потхранува визијата и стремежот за подобра Македонија

Нека е честит и вековит 8 Септември! Нека е вековита Република Македонија!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.