Чипс од тиквички со пармезан е одлично предјадење, или, пак, може да биде прилог во некое главно јадење. Со овој чипс најчесто се пие ладно бело вино.
Состојки:
2 тиквички
1 лажица маслиново масло
¼ шолја свежо нарендан пармезан
¼ шолја лебни трошки
Сол, црн пипер
Подготовка:
Загрејте ја рерната на 200 степени. Насечкајте ги тиквичките на парчиња дебели околу половина сантиметар. Посолете ги по желба, додајте црн пипер и премачкајте ги со маслиново масло. Нека стојат десетина минути во еден сад, да пуштат вода.
Во еден сад промешајте го свежо наренданиот пармезан и лебните трошки. Потоа секое парче тиквичка извалкајте го во смесата. Вака извалканите паричиња тиквички наредете ги во тава во која претходно сте ставиле хартија за печење. Печете ги тиквичките во загреана рерна 20 минути, додека нѐ станат крцкави.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
