Пет деца загинаа во сообраќајна несреќа во Франција

Најмалку шест лица, меѓу кои и пет деца, загинаа, а неколкумна други се повредени во тешка сообраќајна несреќа што се случи попладнево кај местото Куртеранж, во близината на француксиот град Троја, јави дописникот на МИА од Париз.

Според регионалниот весник „Ест Еклер“, во сообраќајната несреќа учествивале камион, автомобил и комби, во кое се наоѓале деца заедно со нивните воспитувачи. Сите загинати во сообраќајката биле патници во комбито.

Засега не се познати причините за сообраќајната несреќа.

По несреќата реагираше францускиот претседателот Франсоа Оланд, кој изрази солидарност со семејствата на загинатите и повредените, барајќи да бидат расчистени околностите на оваа трагедија.

Министерот за внатрешни работи Бернар Казенев и државниот секретар за транспорт Фредерик Кувилие се очекува да го посетат место на несреќата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.