Кучињата од „високото друштво“ можат да уживаат во најзанимливите делови од германскиот град Франкфурт кој доби специјален водич за песја туристичка тура.
Станува збор за серијата туристички водичи „Fred & Otto’ наменета за кучињата турсити кои доаѓаат на одмор или во разгледување на германсктие градови, вклучувајќи го и главниот град Берлин.
Водичот, всушност е наменет секако за сопствениците на кучињата кои во него ќе можат да пронајдат корисни информации за своите четириножни миленици, како што се шеталиштата и игралиштата за кучиња, до продавниците во кои можат да влегуваат кучиња и да се купуваат продукти за нив.
Водичот содржи и купони за попуст на услугите во салоните за нега и разубавување на кучиња, а наведени се и опасните зони, местата на кои песовите не смеат да престојуваат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
