Јанкуловска и преку „Фејсбук“ изрази сочувство за загинатите

Министерката Јанкулоска се огласи на „Фејсбук“ по синоќешната трагедија во која загинаа четворица припадници на граничната полиција.

– Синоќа се соочивме со едни од најцрните и најтешки моменти во историјата на Министерството за внатрешни работи.

Загубивме четворица наши искусни колеги, кои со своето знаење, дух и професионализам, оставија длабок печат врз нас и врз работењето на Министерството.

Тие беа и ќе останат пример како се сака својата земја и како се работи во полза на граѓаните.

Најдлабоко сочуство на семејствата на:

1. Драги Мицев роден 1969 година во Струмица, началник – пилот на хелихоптерската единица со работен стаж од 34 години.

2. Марјан Трајковиќ роден 1967 година во Куманово, пилот – капетан со работен стаж од 37 години.

3. Тоде Орешков роден 1970 година во Рожден – Кавадарци, воздухопловен инспектор за лиценцирање на воздухопловен персонал – пилот со работен стаж од 36 години и

4. Иљо Лопатички роден 1968 година во Битола, командир – пилот со работен стаж од 36 години.

Драги, Марјан, Тоде и Иљо беа врвот на хелихоптерската единица и најдобриот персонал кој МВР го имаше. Беа искусни и со безброј часови лет во различни услови и во различни акции. Нека почиваат во мир!, напиша Јанкулоска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.