Најбогатиот романски пратеник има над 22 милиона евра на своите сметки

Над 22 милиона евра има на сметките на најбогатиот романски пратеник, пишува денеска весникот „Гандул“, кој ги анализирал анкетните листови за имотната состојба на пратениците.

Триесет и шест годишниот пратеник од владејачката Социјалдемократска партија, Себастијан Гица освен милионите на својата сметка, поседува и уметнички дела во вредност од 13 милиони евра, како и накит и часовници за околу четири милиони евра.

Од анкетните листови за имотната состојба се гледа дека друг пратеник од Социјалдемократската партија поседува најмногу имоти. Зису Станчу има 70 земјоделски имоти и 12 живеалишта, од кои 11 станови во Букурешт.

И други пратеници од различни парламентарни групи се изјасниле дека поседуваат десетици имоти и станови, како и банкарски сметки со милиони евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.