Лос Анџелес си поигрува со Чикаго (видео)

Лос Анџелес кингс играат извонредно во плејофот во НХЛ и се на само една победа до финалето и битката за титулата, а ноќеска повторно го декласираа големиот ривал Чикаго блекохкс со 5-2.

Домаќините тргнаа фуриозно и по првиот период од 20 минути водеа со 3-0. Музин, Габорик и Браун беа прецизни за одлична најава на Кингс дека се подготвени за големото финале. Даути во вториот период зголеми на 4-0, а гостите потоа со два гола намалија на 2-4. Чикаго се обиде да избегне пораз, но Картер во последните моменти ја погоди празната мрежа на гостите за конечни 5-2 за Лос Анџелес.

На Кингс им треба само уште една победа за пласман во финалето во НХЛ, а со идентични 3-1 во завршната серија на Истокот Њујорк ренџерс воси против Монтреал канедиенс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.