Петар Темелковски реизбран за уметнички директор на Фестивалот „Војдан Чернодрински“

Актерот Петар Темелковски на последната седница бил реизбран за уметнички директор на Меѓународниот театарски фестивал „Војдан Чернодрински“. На истата седница присутните донесле одлука за востановување на нова награда која ќе се доделува за млад актер: за машка и женска улога.

-Ќе понудам квалитетна програма, односно претстави што ќе бидат потврда за нагорниот од на Фестивалот, вели Темелковски, кој најавува и понатамошен напредок и развој на манифестацијата.

Негова обврска како уметнички директор на Фестивалот, е до крајот на април да ги изгледа претставите кои конкурирале за учество на 48-то издание на Меѓународниот театарски фестивал „Војдан Чернодрински“, а на почетокот на мај да ја соопшти програмата. Фестивалот ќе почне на 7-ми јуни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.