Утре во рамките на Мајските оперски вечери, во Македонската опера и балет, во 20 часот, ќе биде изведена оперската претстава „Фауст“ од Шарл Гуно. Приходот од оваа претстава ќе биде наменет за постраданите од поплавите во Србија и Босна и Херцеговина, со што Македонската опера и балет се приклучува на Одлуката на Владата на Република Македонија, за придонес на културните институции за помош на постраданите. Премиерата на оваа познато дело, кое го обработува и славниот Гете, на сцената на Македонската Опера и Балет, се одржа на 25 октомври 2013 година, по пауза од 30 години. Во претставата ќе настапат: Иван Момиров-Бугарија , во насловната улога, Иван Томашев, гостин од Србија, во улогата на Мефисто, Маргарета: Светската оперска дива, Инва Мула, позната на публиката ширум светот по интерпретацијата на музиката во филмот „Петтиот елемент“, Валентин: Франческо Верна-Италија, Вагнер: Драган Ампов, Зибел: Дарко Нешовски, и Марта: Марика Поповиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
