Македонскиот репрезентативен голман Мартин Богатинов ќе си замине од Стеауа, а, според информациите од Романија, тренерот на шампионскиот тим од Букурешт, Лаурентиу Регекампф, не смета повеќе на услугите на 28-годишниот кратовец.
Богатинов ќе биде на трансфер-листата на Стеауа, а воопшто и не доби шанса да брани. За нецели шест месеци Мартин ниту еднаш не беше на голот на најтрофејниот состав во Романија, а не влезе ниту како резерва.
Според информациите од романските медиуми, Богатинов за половина година во Стеауа инкасирал околу 70 илјади евра.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
