Бихаќка заигра на сѐ или ништо

„Аван­гар­ден чин“, ва­ка са­мо­бен­ди­са­но СДСМ се по­фа­ли со ли­сти­те на пра­те­ни­ци. Збо­рот оз­на­чу­ва прет­ход­ни­ца на не­што, но во овој слу­чај, за поз­на­ва­чи­те на со­стој­би­те, аван­гард­ни­от чин е прет­ход­ни­ца на по­раз. Отсус­тво­то на ли­дерс­тво, пак, е аван­гард­но на свет­ска­та по­ли­тич­ка сце­на, но и ја­сен по­ка­за­тел на оча­јот. Очај­нич­ки­те жел­би прет­по­чи­та­ат и очај­нич­ки по­те­зи, а нов че­ти­ри­го­ди­шен пост од вла­ста би ја „пре­те­рал“ осум­го­диш­на­та ди­е­та и би бил си­гур­на увер­ти­ра во се­ри­оз­на „пер­е­строј­ка“ во СДСМ, факт што во­оп­што не му од­го­ва­ра на но­во­то ра­ко­водс­тво кое пред са­мо де­вет ме­се­ци бе­ше ина­у­гу­ри­ра­но со предз­на­кот на спа­си­тел на пар­ти­ја­та. Но­ви­от по­раз би до­нел и но­ви ли­сти, но се­га тоа би би­ле ли­сти за от­стрел на ви­нов­ни­ци­те за ло­ши­от ре­зул­тат, а кој ќе би­де на вр­вот на таа ли­ста, мо­же­те да прет­по­ста­ви­те.

Дру­га­та по­ен­та на „но­ви­те“ ли­ца на ли­сти­те бе­ше осу­де­на на про­паст од са­ми­от по­че­ток. Ако са­ка­те да прет­ста­ви­те ра­ѓа­ње на пар­ти­ја­та од пе­пел­та, да при­ка­же­те де­ка ова е нов лист на вна­треш­но чи­сте­ње, дра­ма­ти­чен чин во кој доб­лес­но­то ра­ко­водс­тво, во фор­ма на биб­ли­ски ма­че­ник, се отка­жу­ва од си­те при­до­би­вки што одат со ти­ту­ла­та во за­ко­но­дав­ни­от дом за да аскет­ски оста­не са­мо со иде­о­ло­ги­ја­та да се вра­ти де­мо­кра­ти­ја­та и да се ста­ви крај на ре­жи­мот, вие при­тоа не нај­а­ву­ва­те де­ка цел­та на ва­ше­то отка­жу­ва­ње од сѐ е за да ток­му вие фор­ми­ра­те и ра­ко­во­ди­те вла­да. Та­ка, се­то тоа од што, де­мек, сте се отка­жа­ле, ви па­ѓа во во­да за­тоа што вие алу­ди­ра­те на уште по­ви­со­ка по­зи­ци­ја, а на­гра­да за „жр­тва­та“ на ра­ко­водс­тво­то е до­бра „пар­ти­ја“ на Илин­ден­ска, пер­со­ни­фи­ци­ра­на во ми­ни­стер­ски ка­би­нет, па уште и во згра­да це­лос­но ре­но­ви­ра­на од ва­ши­те прет­ход­ни­ци. Друг, уште по­го­лем ко­мар­џи­ски проб­лем е ако со тоа, по­втор­но играј­ќи на сѐ или ни­што, са­мо­бен­ди­са­но са­ка­те да ка­же­те де­ка сте це­лос­но уве­ре­ни во по­бе­да.

За не­ко­го прем­но­гу ха­зар­дер­ски по­те­зи за ед­на се­ри­оз­на „др­жа­во­твор­на“ пар­ти­ја, ка­ко што ми­лу­ва­ат да се на­ре­ку­ва­ат, за дру­ги, пак, игра­та со ма­кси­ма­лен влог е ре­а­лен по­тег, ди­кти­ран од суд­би­на­та што го оче­ку­ва ова ра­ко­водс­тво со след­ни­от по­раз – сме­на од ви­со­ки­те по­зи­ции и си­гу­рен пат во пар­ти­ски за­бо­рав. А, на па­тот кон не­го ве че­ка­ат и сто­ти­ци не­за­до­вол­ни­ци со ексра­бот­но ме­сто на Би­ха­ќка, кои, по­ра­ди вас, ве­ќе не се пра­те­ни­ци, не се во ра­ко­водс­тво­то, ни­ту, пак, на пор­тир­ни­ца…

Да­ска­лов­ски: Увер­ти­ра во из­бо­рен по­раз

Ана­ли­ти­ча­ри­те ед­ног­лас­но оце­ну­ва­ат де­ка е не­сфат­ли­во отсус­тво­то на ра­ко­водс­тво­то на из­бо­ри­те. На Бал­ка­нот, по пра­ви­ло, ли­де­рот е ли­це­то на пар­ти­ја­та, ве­ли про­фе­сор Жи­дас Да­ска­лов­ски.

Да­ска­лов­ски: „Аван­гард­ни­от“ чин на СДСМ со но­во­про­мо­ви­ра­ни­от прин­цип на кан­ди­дат­ски­те ли­сти, на­ста­пу­вај­ќи со ре­чи­си комп­лет­но но­ви ли­ца, е увер­ти­ра во ве­ро­ја­тен из­бо­рен по­раз. Мно­гу е те­шко да се за­мис­ли си­ту­а­ци­ја во ко­ја гра­ѓа­ни­те би се по­вр­за­ле со но­си­те­ли­те на ли­ста на СДСМ кои (по)сла­бо ги поз­на­ва­ат, а кои ка­ко, на при­мер, проф. Ре­на­та Тре­нев­ска- Де­ско­ска, не се ни про­фе­си­о­нал­ни по­ли­ти­ча­ри. Ќе по­стои ди­со­нан­ца ме­ѓу ста­вот на ли­де­ри­те и лу­ѓе­то што се но­си­те­ли на ли­ста. Искус­тво­то од бал­кан­ска­та по­ли­ти­ка, од Гр­ци­ја и Ср­би­ја, до Ко­со­во и Хр­ват­ска, е де­ка еле­кто­ра­тот ги по­и­сто­ве­ту­ва ли­де­ри­те на пар­ти­и­те со са­ми­те пар­тии, без раз­ли­ка што по­стои пар­ла­мен­та­рен, а не пре­тсе­да­тел­ски си­стем на де­мо­кра­ти­ја. По­ли­тич­ка­та кул­ту­ра и вна­тре­пар­ти­ска­та де­мо­кра­ти­ја се на та­кво ни­во што е не­сфат­ли­во ка­ко ли­дерс­тво­то на пар­ти­ја­та на из­бо­ри се отка­жу­ва од во­деч­ка­та уло­га во кан­ди­дат­ски­те ли­сти. Тие се ли­це­то на пар­ти­ја­та и ќе би­де го­ле­ма не­поз­на­ни­ца ка­ко ќе се спро­ве­де кам­па­ња­та со дру­ги ли­ца на че­ло на ли­сти­те.

Кле­ков­ски: Да­ли За­ев се отка­жу­ва од ли­дерс­тво­то?

Клуч­на­та раз­ли­ка е што ВМРО-ДПМНЕ вле­гу­ва на овие из­бо­ри со хо­мо­ге­но ра­ко­водс­тво и пар­ти­ја, за раз­ли­ка од СДСМ, кој на из­бо­ри­те тре­ба да ги кон­со­ли­ди­ра ра­ко­водс­тво­то и пар­ти­ја­та, ве­ли Са­шо Кле­ков­ски. Тој сме­та де­ка кај СДСМ е оче­ку­ва­но оти во на­та­мош­на­та кон­со­ли­да­ци­ја на ра­ко­водс­тво­то и пар­ти­ја­та мо­ра да дој­де до про­ме­на на пра­те­нич­ка­та гру­па, па за­тоа не е из­не­на­ден што на кан­ди­дат­ски­те ли­сти не­ма не­кои од пра­те­ни­ци­те што го оз­на­чи­ја прет­ход­ни­от пер­и­од, ка­ко Ја­ни Ма­кра­ду­ли, Игор Ива­нов­ски или Ан­дреј Пе­тров.

Кле­ков­ски: Из­не­на­ду­ва­ње е отсус­тво­то на ра­ко­водс­тво­то на СДСМ од ли­сти­те. Из­не­на­де­но­ста се гле­да во нас­ло­ви­те на про­о­по­зи­ци­ски­те ме­ди­у­ми: кон­тро­верз­на, вто­ра по­ста­ва и сл. Јас не мо­жам да се сог­ла­сам де­ка ова е вто­ра по­ста­ва, ни­ту де­ка е ли­ста на ано­ни­му­си. Не­кои од ра­ко­водс­тво­то на СДСМ се по­а­но­ним­ни откол­ку по­ве­ќе­то но­си­те­ли на ли­сти, да не име­ну­вам. По­зи­ти­вен че­кор е де­лум­на­та ло­ка­ли­за­ци­ја на ли­сти­те, но и таа е де­лум­на би­деј­ќи не си­те ли­сти ги во­дат кан­ди­да­ти што жи­ве­ат во сво­и­те из­бор­ни еди­ни­ци. Не мо­жам да се сог­ла­сам со из­ја­ва­та на За­ев де­ка овие ли­сти се нај­до­бри­те, што е по­себ­но вид­ли­во во из­бор­на­та еди­ни­ца 1. И, се­ка­ко, е це­лос­но не­си­хро­ни­зи­ра­но со ко­а­ли­ци­ски­те парт­не­ри – ЛДП си ги кан­ди­ди­ра ста­ри­те и про­ве­ре­ни Ду­фе Ку­ков­ски и Ро­за То­пу­зов­ска-Ка­рев­ска на „до­бит­ни ме­ста“. Си­те овие ра­бо­ти ќе оста­нат во сен­ка на отсус­тво­то на ли­дерс­тво. Ако се са­ка­ло да се по­стиг­не из­бег­ну­ва­ње на не­га­тив­на­та кам­па­ња на ВМРО-ДПМНЕ, „На За­ев не мо­же да му се  ве­ру­ва“, ка­ко што ве­лат не­кои од про­о­по­зи­ци­ски­те ко­мен­та­то­ри „ќе ѝ про­пад­нат на ВМРО-ДПМНЕ не­га­тив­ни­те спо­то­ви“, тоа е да­ле­ку од точ­но – Зо­ран За­ев ве­ли де­ка тој е след­ни­от пре­ми­ер на Ма­ке­до­ни­ја. Ако не се из­бег­ну­ва не­га­тив­на­та кам­па­ња, отсус­тво­то на За­ев и на Ше­ке­рин­ска, нај­ве­ро­јат­но, е из­ну­ден по­тег за про­ме­на на нај­го­ле­ми­от број пра­те­ни­ци. Но, отсус­тво­то на ли­де­ри­те на кан­ди­дат­ски­те ли­сти са­мо ги прод­ла­бо­чу­ва збр­ка­та и ха­о­сот во ра­ко­водс­тво­то на СДСМ. И до­се­га бе­ше проб­лем да се пре­поз­нае кој е ли­дер на СДСМ по­ра­ди дис­пер­зи­ја на пар­ти­ски­от ка­пи­тал на по­ве­ќе лич­но­сти. СДСМ не­кол­ку цик­лу­си се ма­чи со тоа да по­ну­ди кре­ди­би­лен и пре­поз­на­ен кан­ди­дат за пре­ми­ер, кој ќе би­де спо­со­бен да се нат­пре­ва­ру­ва со Ни­ко­ла Гру­ев­ски. И се­га, ка­ко врв, на­ста­пу­ва без ли­дерс­тво на кан­ди­дат­ски­те ли­сти! Освен, ако Зо­ран За­ев не е во отка­жу­ва­ње! Единс­тве­ни­от на из­бор­на­та сце­на што се­га мо­же да раз­вие ли­дерс­тво е Сте­во Пен­да­ров­ски. До­кол­ку Сте­во Пен­да­ров­ски ос­тва­ри по­до­бар ре­зул­тат од СДСМ, не­ми­нов­но ќе се отво­рат пра­ша­ња за до­вер­ба­та во ра­ко­водс­тво­то на СДСМ.

Се ам­не­сти­ра ли СДСМ од ми­на­то­то?

За­пра­шан да­ли но­во­то ра­ко­водс­тво ва­ка рас­кр­сту­ва со ми­на­то­то, Да­ска­лов­ски ве­ли де­ка проб­ле­мот на СДСМ е што и но­ви­те чел­ни­ци се прет­став­ни­ци на ели­та­та. Кле­ков­ски, пак, пре­по­ра­чу­ва што по­брз рас­кин на пар­ти­ја­та со по­ра­неш­ни­от пре­тсе­да­тел Бран­ко Цр­вен­ков­ски.

Да­ска­лов­ски: Проб­ле­мот на СДСМ е што не ги прет­ста­ву­ва ин­те­ре­си­те на ра­бот­нич­ка­та кла­са во ус­ло­ви на си­лен ка­пи­та­ли­стич­ки раз­вој на др­жа­ва­ва. И сме­не­то­то ра­ко­водс­тво и пре­тсе­да­тел и де­неш­но­то не из­ник­на­ле од сред­на­та или ра­бот­нич­ка­та кла­са, ту­ку, на­про­тив, се ре­пре­зен­ти на ели­та­та. По­стои про­стор за автен­тич­но дејс­тву­ва­ње на ле­ва, со­ци­јал-ли­бе­рал­на пар­ти­ја, про­стор кој во ид­ни­на мо­же да се освои би­деј­ќи СДСМ не ус­пе­ва да се кон­со­ли­ди­ра вна­треш­но и не ус­пе­ва да прет­ста­ви при­каз­на убед­ли­ва за гра­ѓанс­тво­то. По­крај про­ме­ни­те вна­тре во пар­ти­ја­та, по­треб­ни им се и про­ме­ни во при­ста­пот во рам­ки­те на по­ли­тич­ки­от мар­ке­тинг, ка­де што СДСМ дејс­тву­ва мно­гу пос­ла­бо од ВМРО-ДПМНЕ.

Кле­ков­ски: СДСМ тре­ба, од­нос­но мо­ра што по­бр­гу да го оста­ви пер­и­о­дот на прет­ход­ни­от пре­тсе­да­тел зад се­бе. Не­до­вол­но сум за­поз­на­ен со со­ста­вот на кан­ди­дат­ски­те ли­сти за да мо­жам да оце­нам да­ли СДСМ рас­ки­ну­ва со прет­ход­но­то ра­ко­водс­тво. Но, се­ка­ко е зна­чај­но што истак­на­ти пра­те­ни­ци што го оз­на­чи­ја прет­ход­ни­от пер­и­од не се на кан­ди­дат­ски­те ли­сти. Оста­ва­ње­то на исто­ри­ја­та зад се­бе ја про­пу­шти Зо­ран За­ев на ин­терв­ју­то на МРТ – то­гаш не се огра­ди од по­греш­на­та по­ли­ти­ка на прет­ход­ни­от пре­тсе­да­тел.

Ана­ли­ти­ча­ри­те оче­ку­ва­ат „дол­га“ и мач­на кам­па­ња, про­тка­е­на со раз­лич­на пар­ти­ска по­ла­ри­за­ци­ја и со­др­жи­ни. И на две­те стра­ни не им не­до­сти­га ма­те­ри­јал за „цр­на“ кам­па­ња, но СДСМ има се­ри­о­зен проб­лем со ма­те­ри­јал за по­зи­тив­на кам­па­ња.

Кле­ков­ски: Овие из­бо­ри ќе би­дат обе­ле­жа­ни со ед­на од нај­дол­ги­те кам­па­њи. Иа­ко фор­мал­но, из­бор­на­та кам­па­ња е огра­ни­че­на, таа поч­на пред по­ве­ќе ме­се­ци. И ВМРО-ДПМНЕ и СДСМ вклу­чи­ја во кам­па­ња­та про­грам­ска или по­зи­тив­на кам­па­ња и не­га­тив­на кам­па­ња, глав­но на­со­че­на кон во­деч­ки­те лич­но­сти на по­ли­тич­ки­от ри­вал. Од по­ве­ќе при­чи­ни про­грам­ска­та кам­па­ња на СДСМ е во сен­ка на таа на ВМРО-ДПМНЕ. За раз­ли­ка од про­грам­ска­та кам­па­ња, во не­га­тив­на­та кам­па­ња СДСМ со „Зад ма­ска­та на чес­но­ста“ па­ри­ра на не­га­тив­на­та кам­па­ња на ВМРО-ДПМНЕ – „На За­ев не мо­же да му се ве­ру­ва“. Се чи­ни де­ка до­де­ка ВМРО-ДПМНЕ со упо­тре­ба на раз­лич­ни фор­ми се оби­ду­ва да до­стиг­не до по­ве­ќе раз­лич­ни цел­ни гру­пи, СДСМ се­га-за­се­га е огра­ни­чен и по фор­ми­те и по адре­си­ра­ни­те цел­ни гру­пи.

И спо­ред Да­ска­лов­ски, во пре­диз­бо­ри­е­то и во са­ма­та кам­па­ња ќе би­де­ме све­до­ци на два раз­лич­ни кон­цеп­та на вла­де­јач­ка­та ко­а­ли­ци­ја и на опо­зи­ци­ја­та. Вла­де­јач­ка­та опо­зи­ци­ја на овие из­бо­ри по­втор­но, ка­ко и на ми­на­ти­те, ќе збо­ру­ва за де­ла, за ра­бо­ти и про­е­кти што се на­пра­ве­ни и што се оче­ку­ва­ат, спро­ве­де­ни актив­но­сти кои се пред­ви­де­ни во рам­ки­те на из­бор­на­та про­гра­ма на пар­ти­ја­та, ве­ли про­фе­со­рот.

Да­ска­лов­ски: Осврт се ста­ва на ре­зул­та­ти и на спро­ве­де­на јав­на по­ли­ти­ка кои има­ат бла­го­дат за гра­ѓа­ни­те и кои во ид­ни­на ќе по­мог­нат во спра­ву­ва­ње­то со нај­гор­ли­ви­от проб­лем за гра­ѓа­ни­те, не­вра­бо­те­но­ста. Дел од кам­па­ња­та во овој пер­и­од се на­со­чу­ва кон ко­рум­пи­ра­но­ста (на­вод­на до до­каз од суд­ски ин­стан­ци) на ра­ко­вод­ни­те ли­ца од СДСМ, кри­ти­ка на не­кон­зин­стен­тен при­стап на ли­дерс­тво­то на оваа пар­ти­ја во од­нос на одре­де­ни бол­ни те­ми, ка­ко, на при­мер, грч­ка­та агре­си­ја кон име­то, сѐ со цел кре­ди­би­ли­те­тот на опо­зи­ци­ја­та да се ста­ви под знак пра­шал­ник. Во од­нос на пре­тсе­да­тел­ски­те из­бо­ри, вла­де­јач­ка­та пар­ти­ја се освр­ну­ва кон два сег­мен­та, мо­би­ли­зи­ра­ње на сво­ја­та ба­за, ме­ѓу дру­го­то и со ор­га­ни­за­ци­ја на со­би­ра­ње­то пот­пи­си за истак­ну­ва­ње на кан­ди­да­ту­ра­та, и на не­о­пре­де­ле­ни­те пре­ку че­сти и ге­о­граф­ски се­оп­фат­ни по­се­ти на пре­тсе­да­те­лот со еле­кто­ра­тот. Кај не­о­пре­де­ле­ни­те, од­лу­чу­вач­ки фа­кто­ри за из­бор на пре­тсе­да­тел­ски кан­ди­дат се нив­ни­те пер­цеп­ции за ин­те­гри­те­тот на кан­ди­да­тот, пер­цеп­ци­ја­та за ка­па­ци­те­тот, од­нос­но искус­тво­то во по­ли­тич­ко­то ра­ко­во­де­ње, спо­соб­но­ста за до­не­су­ва­ње од­лу­ки, бли­ско­ста до гра­ѓанс­тво­то или на­ро­дот. Ако се гле­да­ат са­мо гла­са­чи­те на ВМРО-ДПМНЕ и на СДСМ, Ива­нов на из­бо­ри­те трг­ну­ва со пред­ност, ко­ја мо­же, но и не мо­ра, да би­де пре­суд­на за ко­неч­ни­от ре­зул­тат би­деј­ќи тре­ба да се осво­јат тие што се не­о­пре­де­ле­ни или па­сив­ни сим­па­ти­зе­ри на ед­на­та или на дру­га­та пар­ти­ја, а по­се­бен пре­диз­вик ќе би­дат гла­со­ви­те на ма­ке­дон­ски­те Ал­бан­ци. Во таа смис­ла, кан­ди­да­тот на СДСМ се оби­ду­ва со сво­и­те ка­ра­кте­ри­сти­ки, со да­ва­ње­то ак­цент на ко­му­ни­ка­ци­ја­та на ин­тер­нет, со оби­дот да се прет­ста­ви ка­ко чо­век отво­рен кон си­те гра­ѓа­ни, да го на­мет­не впе­ча­то­кот де­ка тој е по­мо­дер­ни­от кан­ди­дат во од­нос на Ива­нов. Не­го­ва­та кам­па­ња зна­чи­тел­но се раз­ли­ку­ва од таа на пар­ти­ја­та би­деј­ќи во пре­диз­бо­ри­е­то глав­ни­от на­стап на СДСМ бе­ше кон­ти­ну­и­ра­но и ди­рект­но на­па­ѓа­ње врв­ни ли­ца од вла­ста за ко­руп­тив­но дејс­тву­ва­ње (на­вод­но до до­каз од суд­ски ин­стан­ци). По­мал­ку се збо­ру­ва­ше за кон­крет­ни мер­ки и за про­гра­ма­та на пар­ти­ја­та.

За­ев приз­на де­ка пра­те­ни­ци­те ра­бо­те­ле ло­шо

Нај­ло­ши­от мо­мент со „но­ви­те ли­ца“ на ли­сти­те, кој, очиг­лед­но, за­бо­ра­ви­ле да го ста­ват на кан­тар на Би­ха­ќка, е проб­ле­мот што со чи­нот на це­лос­на про­ме­на на ста­ри­от пра­те­нич­ки ка­дар на пар­ти­ја­та, СДСМ ди­рект­но приз­на­ва де­ка тие ра­бо­те­ле ло­шо и не­од­го­вор­но. Исто­вре­ме­но­то „пен­зи­о­ни­ра­ње“ на по­ве­ќе од 30 пра­те­ни­ци е јас­но и јав­но приз­на­ние де­ка ва­ши­те на­род­ни из­бра­ни­ци, од кои дел ве прет­ста­ву­ва­ат без­мал­ку две де­це­нии, ло­шо ја сра­бо­ти­ле сво­ја­та за­да­ча. А, вам тоа ви тек­ну­ва не­ка­ко на­ед­наш, ед­но­став­но ги от­стра­ну­ва­те ро­зо­ви­те очи­ла и тие се ин­стант не­по­доб­ни за вас? И да се ва­ди­те де­ка си­те тие ќе би­ле дел од вла­да­та, не др­жи – тол­ку ми­ни­стер­ски ре­со­ри не­ма, а дел ќе би­дат и за стан­дард­ни­те ко­а­ли­ци­о­не­ри од ал­бан­ски­от парт­нер, дел за ЛДП итн. Уште ед­на ра­бо­та ко­ја па­ѓа в очи е вр­вот на ели­ти­стич­ки­от тон со­др­жан во за­ви­е­на­та по­ра­ка де­ка не­кои „ано­ни­му­си“ тре­ба да по­бе­дат за вас на из­бо­ри, за по­тоа са­мо да ја пре­зе­ме­те вла­ста и да фор­ми­ра­те вла­да. Ин­три­гант­на е и сим­бо­ли­ка­та со­др­жа­на во „но­ви­те ли­ца“ на ли­сти­те, со кои, по­втор­но бле­фер­ски и по­ке­ра­шки, пар­ти­ја­та тре­ба да при­ка­же пред на­ро­дот ка­ко рас­чи­сти­ла со ми­на­то­то, ам­не­сти­рај­ќи се при­тоа од ста­ри­те, „из­ли­те­ни“ пра­те­нич­ки ли­ца и од си­те ло­ши по­те­зи во исто­ри­ја­та. Би би­ло по­и­на­ку ко­га тоа јав­но би го приз­на­ле, ва­ка са­мо ин­ди­рект­но ја приз­на­ва­те ви­на­та.

Ед­на од нај­ре­ал­ни­те прет­по­ста­вки за при­чи­ни­те за та­кви­от дра­сти­чен „рез“ во пра­те­нич­ки­от со­став е де­ка ра­ко­водс­тво­то пре­ку но­ви­от на­род­но-прет­став­нич­ки ка­дар ќе се оби­де да ги со­чу­ва сопс­тве­ни­те по­зи­ции, кои по по­ра­зот на из­бо­ри­те ќе би­дат се­ри­оз­но по­тре­се­ни. Ин­ве­сти­ци­ја­та во по­доб­ни пра­те­ни­ци, кои не се На­та­ша Са­во­ва или Ка­ро­ли­на Асте­руд, би би­ла ви­стин­ски бла­го­дат за во­деч­ки­от пар­ти­ски дво­ец.

(Пишува: Љупчо Цветановски | Фото: Република
Текст објавен во 82. број на неделникот „Република“, 28.03.2014)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.