Љупчо Георгиевски: Ваков инвестициски бум немало 40 години

Директорот на Јавното претпријатие за државни патишта Љупчо Георгиевски, вечерва во отвореното студио пред почетокот на митингот на Коалицијата „За подобра Македонија“ во Кичево, зборуваше за инвестициите во патната инфраструктура и нивното значење за Македонија.Тој потенцираше дека она што сега се прави во однос на патната инфраструктура е доста голем предизвик и инвестициски бум и не се направило во претходните 40 години. Додаде и дека во овој момент се градат преку 132 километри автопати, од кои што едниот автопат е Кичево- Охрид со должина од 57 километри, Миладиновци-Штип кој што е со 47 километри и Демиркапија-Смоквица со должина од 28 километри.

-Тимот предвден од претседателот на Владата на Република Македонија Никола Груевски и претседателот Ѓорге Иванов се покажа како одлична комбинација за да се добие овој поволен заем од кинеската банка, за да денес говориме за реализација на овие автопати. Градбата на автопатите и договорт што беше склучен со кинескиот изведувач е ангажирање на минимум 49 отсто македонски компании, што во овој момент директно значи дека во самата градба ќе бидат вклучен македонски компании, додаде Георгиевски.

Подвлече и дека, Јавно претпријатие за државни патишта се концентрира и на рехабилитација на поголем број на патни правци во Македонија и додаде дека и во наредниот период ќе продолжат со истото темпо.

-Веќе се работи на проекти за промена на асфалтот и ставање нов на повеќе делници. Одпочнуваме некаде во средината на оваа година делот од  Велес- Катланоиво, следува од Миладиновци до Куманово и назад во двата правци и делот кај Неготино. Меѓутоа се работи и на проекти како што е рехабилитација на постојната патна инфраструктура од Битола до Охрид, делот од Маврово- Дебар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.