На актуелниот француски шампион ПСЖ му прети санкција од Европската организација (УЕФА), откако инспекцијата утврди дека клубот од Париз го прекршил финансискиот фер-плеј (ФФП), пренесува „Л’екип“.
Претседателот на ПСЖ Насер ал Келаифи и извршниот претседател Жан Клод Блан биле испрашани во седиштето на УЕФА минатата година, а по тоа се направени уште две испитувања по кои е заклучено дека ПСЖ сепек троши повеќе отколку што заработува во една сезона, а со тоа го крши ФФП правилото.
УЕФА ќе го објасни целиот случај, а одлуката ќе ја донесат на крајот на април или почетокот на мај, а казната за ПСЖ би можела да биде многу строга, но и многу блага.
Постои опција УЕФА да му одземе девет бода на ПСЖ или пак само усно да ги опомене. Можно е и одземање на титулата и забрана за настапување во УЕФА натпреварувањата, но тоа тешко дека ќе се случи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
