СДСМ се жали што власта дава отчет, ВМРО ДПМНЕ порачува: не барајте алиби за изборниот пораз

Откако СДСМ обвини дека ВМРО – ДПМНЕ со објавувањето на отчетот на претседателот Иванов и партискиот отчет за тоа што е сработено од партијата на власт го нарече прекршување на изборниот законик реагираше владеачката партија.

„Соопштението на СДСМ кое се однесуваше на презентацијата на отчетот е само алиби за поразот кој што ќе го доживеат на претстојните избори“, стои во реакцијата на ВМРО-ДПМНЕ.

Очигледно, наведуваат од ВМРО-ДПМНЕ, дека СДСМ не може да ја разберат суштината на отчетот бидејќи тие никогаш ниту во минатото, ниту сега во општините во кои раководат, немале доблест да дадат отчет за сработеното.

Отчетот ја покажува разликата помеѓу нас и нив. Отчетот е нашата обврска кон граѓаните и тоа треба да го прави секој одговорна политичка партија во Република Македонија, се наведува во реакцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.