Избори во Северна Кореја: Може да се гласа само за една партија

фото: ЕПА

Во Северна Кореја денеска се одржуваат првите парламентарни избори, откако на власт се наоѓа Ким Џонг-ун. Севернокорејскиот лидер се кандидира за пратеничко место од 111-от избирачки реон во Пјонгјанг, каде мнозинството гласачи се војници.

На гласачките ливчиња се наоѓа само една политичка сила- Корејската работничка партија.

Во севернокорејскиот Парламент има 687 пратеници, кои се собираат два пати годишно.

Во некои реони на земјата поради изборите се зајакнати безбедносните мерки.

Вчера вечерта се случиле неколку инциденти со уништување на плакатите, кои повикуваат за гласање за работничката партија и Ким Џонг-ун, а поради тоа бил повлечени единици од граничната војска и распоредени во реонот на избирачките места.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.