ВМРО-ДПМНЕ: Тито Петковски се дрзна да предложи промена на име како грчки националист

Тито Петковски очигледно е човек без трошка срам, велат од ВМРО-ДПМНЕ.

Со неговото денешено тврдење дека војната од 2001 година била фингирана тој ги навреди сите бранители кои се решија да ја бранат сопствената држава, но и ги навреди семејствата на оние кои го положија својот живот.

– Ако тој навистина има дилеми и прашања, најдобро е да им се обрати на неговите коалициони партнери, Бранко Црвенковски и Љубчо Георгиевски и од нив да побара објаснување. Но, може и сам да се потсети и конечно да и даде одговор на македонската јавност какви средби имал тој самиот во текот на војната со високите претставници на ДУИ. Што договарал и што зборувал со нив? – прашуваат од владејачката партија.

Од таму велат дека Тито Петковски е политичар кому националните интереси му се обична монета за поткусурување. Впрочем, Петковски е “грчкиот пратеник“ кој во македонското Собрание се дрзна да предлага промена на името на Република Македонија во стилот на најголемите грчки националисти.

-Тито Петковски, наместо да шири манипулации и безочно да лаже, на јавноста треба да и каже какви средби имал и што разговарал како функционер на СДСМ со претставниците на ОНА, токму во време на конфликот во 2001 година – побараа од ВМРО-ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.