Тренерот на Атланта хоукс им потврдил на медиумите дека Перо Антиќ не завршил со рехабилитацијата по фрактурата на стапалото и таа ќе потрае и наредните недели. Антиќ доби заслужено место на олстар-пресметката во која ќе настапат најдобрите дебитанти и играчите на кои ова им е втора НБА-сезона, но пред два дена и официјално беше заменет со Мајлс Пламли откако не добил дозвола за настап во Њу Орлеанс од лекарскиот тим на Атланта.
– Тој не може да настапи на олстар-викендот, но и за Атланта и така ќе биде уште недела или две. Процесот на рехабилитација напредува, но Антиќ нема да се врати на теренот додека не е потполно здрав. Тоа е советот на лекарите и сите се придржуваме до него – изјавил Баденхолцер потврдувајќи дека паузата на Антиќ ќе заврши со најлошата варијанта од лекарското предвидување за мирување меѓу две и четири недели
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
