Скијачки центар на планината Галичица би имал 15 километри скијачки патеки, би се наоѓал на атрактивна локација на Галичица, а до центарот би се стигнувало со жичница со гондоли што би поаѓала од близина на автокампот „Градиште“. Формиран тим што би работел на промоција на скијачкиот центар, како и тело што би ја следело реализација на проектот- посочи денеска градоначалникот на Охрид, Никола Бакрачески.
– Физибилити студијата покажа дека е изводливо да се изгради скијачки центар на Галичица. Беа посочени неколку локации за изградба на скијачки патеки од кои се избра една. Потоа се пристапи кон изработка на мастер-план што го изработува истата канадска фирма која согласно договорот истиот мора да го заврши до крајот на месец април годинава- додаде Бакрачески.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.