Хелдер Постига пристигнува во Лацио

Португалскиот репрезентативец Хелдер Постига се очекува до крајот на зимскиот преоден рок да ги засили редовите на римскиот клуб Лацио.
Лацио сака да се засили во нападот и на тој начин да обезбеди место во Серија А, кое води во Европа следната сезона.
Постига добро ја почна сезоната во Валенсија и како стандарден првотимец одигра неколку натпревари. Сепак, како што одминуваше првенството тој го загуби местото во првите 11 играчи. Валенсија даде зелено светло Постига да се пресели во Лацио до крајот на сезоната како играч на заем. Со овој трансфер се очекува Постига да ја постигне очекуваната форма пред СП во Бразил.
Стандардниот напаѓач на Лацио ветеранот Мирослав Клосе ќе добие сериозна конкуренција во нападот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.