Се разбуди мечката од зимскиот сон, велат од тимот на кумановскиот ноќен клуб „Лолипоп“, кои по еден месец пауза од петок почнуваат со нова агенда за забави.
В петок (31 јануари), музика во клубот, по препорака на мечката, ќе пушта лисицата, диџеј Тања со своите аренби и хипхоп-хитови, велат од клубот во својата шеговита најава. Забавата почнува на полноќ, а влезот е 100 денари. По Тања, истата вечер е уште една дама, диџеј Марга Сол, со своите познати миксови.
Журката продолжува в сабота, на први февруари. Со вокал во живо, гостуваат Симона Попоска и диџеј Ерик Фокс, заедно познати како „Саунд месинџерс“, едни од најбараните за клупски настапи кај нас. Стартот е на полноќ, со влез од 100 денари.
Традиционално, в недела (2 февруари), „Лолипоп“ ги чести сите гости со бесплатен влез и пијалак за добредојде, за нова успешна сезона. В недела на полноќ ќе се одржи караоке-шоу со диџеј Саше Морж и диџеј Аце, со омилените македонски и југословенски хитови. Клубот, кој стана познат по тематските вечери, најавува уште една серија забави од таков тип.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
