Добитникот на првиот стан од нагадната игра „Фискална во рака награда без мака” Трајко Кузмановски ги доби клучевите од станот, во зградата на Јавно станбено претпријатие на „Трета ударна бригада” во скопската населба Аеродором.
Главната награда – стан во Скопје во наградната игра „Фискална во рака, награда без мака” ја доби пензионерот Трајко Кузмановски од Куманово, со само едно испратен плико, коверт, а денеска вицепремиерот и министер за финансии Зоран Ставрески му ги додели клучевите од станот од 52 квадратни метри.
„ Чичко Трајко од Куманово и неговото семејство се најдобар пример дека среќата ќе си дојде тогаш кога е пишано. Во играта тој учествуваше со едно плико заедно со неговата сопруга, синовите и внуците и си ја доби наградата – вреден стан во централното градско подрачје на Скопје. Ова покажува дека секој што учествува во наградната игра ‘Фискална во рака награда без мака’ може да биде добитник на вредна награда. Мене ми е посебно задоволство и среќа што гледам дека едно скромно и работничко семејство на човек што цел живот работел занает имаше среќа да го добие станот”, рече вицепремиерот Ставрески.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
