Фирмите на Заеви со годишна заработка од 2 милиони евра

Според податоците и завршните сметки на 14 фирми до кои дојдовме, а со кои раководи, се во корелација или се во сопственост на семејството Заеви остварило годишна заработка од 2 милиони евра нето чиста добивка во 2012 година – објави Нетпрес.

Додека Зоран Заев и СДСМ постојано обвинуваат и тврдат дека постои загрозување на слободата, недосиг на демократија вклучително и пазарна демократија, Заеви оствариле чиста заработка од цели 2 милиони евра за само една година работа. Полниот џеб на Заеви кажува дека „ситните тендерчиња” за кои Заев велеше дека одат преку општина до неговите фирми и не биле воопшто така мали.

Зоран Заев во декември 2013 година изјави дека спаѓа во средната класа.

„Лично јас спаѓам сѐ  уште во средната класа, но доаѓам од богато семејство, кое има 820 вработени. Kапиталот е проценет на шест-седум милиони евра, во кредити се исто толку пет-шест милиони евра, апсолутно влезени да се докажеме пред општеството обидувајќи се редовно да дадеме плата и да ги платиме даноците на државата и да генерираме нови производи, нови продукции, кои значат нови инвестиции. Сѐ што имаме е овде во Македонија. Мојот анкетен лист е реално достапен на јавноста. Мојот личен имот заедно со моите и со возилата на сопругата вреди 60-70-80 илјади евра“, изјави Заев.

Вчера пак, Дневник објави дека фирмите на Заев тежат 12 милиони евра, а не шест-седум, како што тој тврдеше.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.