Исполнета последната желба на Еузебио (видео)

Последна почит на легендарниот фудбалер Еузебио му оддадоа преку 10.000 навивачи на Бенфика, но и вљубеници во фудбалот од Португалија. Тие дојдоа на „Стадионот на светлината“ поклонувајки се пред телото на фудбалерот кој почина на 72-годишна возраст од срцев удар. Неговата последна желба беше ковчегот со неговото тело да биде изнесен на центарот на теренот на стадионот во Лисабон, што и му беше исполнета, откако претходно ковчегот со посмртните останки на Еузебио помина и почесен круг околу теренот.

Навивачите фрлаа шалови во знак на почит. На поворката што се движеше од центарот на градот почит му искажаа и навивачите на Спортинг Лисабон, големиот градски ривал на Бенфика, кои исто така му оставија шал од овој клуб.

Еузебио е прогласен за најдобар португалски фудбалер во изминатите 50 години, а илјадници луѓе излегоа да го испратат на патот кон неговиот вечен дом.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.