Институтот за трансфузиона медицина доби најсовремени и софистицирани апарати за одредување артериска периферна циркулација и анализа на крвни групи, во вредност од 230 илјади евра.
Станува збор за два нови автоаналајзери за имунохематолошки испитувања на крвта на пациентите и два апарати за одредување на циркулацијата на крвта, кои се инсталирани во одделот за имунохематологија.
– Овие апарати ќе користат за одредување на протокот на крвта низ артериските крвни садови со што ќе се добијат прецизни резултати за проодноста на истите. А во лабараторискиот дел инсталирани се други апаратури, кои се автоаналајзери, кои служат за одредување на крви групи и Рх фактор кај новороденчиња, бремени жени, пациенти и донатори, истакна д-р Розмари Каламарас – координатор за крводарителство во Институтот за трансфузиона медицина – Скопје.
Таа додаде дека апаратите кои служат за одредување за перферна артериска циркулација, ќе се користат за пацинети над 45 годишна возраст, а пред се кај пушачите, луѓето кои имаат дијабет, пациенти со висок холестерол.
Со двата нови автоаналајзери, како што нагласи д-р Каламарас, ќе може да се извршува и скрининг и идентификација на антитела.
-Тоа е многу важно особено за бремените жени кај кои ако се појават антитела може да дојде до оштетување на плодот па дури и до мртов плод, истакна д-р Каламарас.
Аналајзерите ,нагласи таа, се користат и за одредување на тесна поврзаност помеѓу крвта на давателот и на примателот, со што ќе се обезбеди безбедна и сугурна трансфузија на крв.
Освен новата медицинска опрема, во Институтот за трансфузиона медицина отсега преку посебен софтвер ќе се испорачуваат документите до пацинетите, а со завршувањето на продцедурата за ИПА проектот се очекува овој институт да добие и нова апаратура во вредност од околу 600 илјади евра.
Д-р Каламарас истакна дека годинава Македонците го надминале интегралниот план за крводарување, при што се дарувани поголеми количини на крв од потребното, односно околу 105 отсто.
Во Институтот за трансфузиона медицина и во сите служби има доволно количини крв од сите позитивни и негативни крвни групи, посочи таа, додавајќи дека околу 55.000 единици крв ги задоволуваат потребите на целата држава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
