„Боксинг деј“ почна со победа на Манчестер јунајтед против Хал (видео)

Популарниот „Боксинг деј“ во Англија, или ден на кој премиерлигашите играат за навивачите, почна со очекувана победа на Манчестер јунајтед против Хал од 3-2 на гостински терен.

Вистински шок доживеа најтрофејниот англиски клуб на самиот почеток, а по само 13 минути игра фаворитот имаше негатива од 0-2. Честер и Мејлер со по еден гол предизвикаа вистинска еуфорија на „KC“ стадионот во Хал. Но, Манчестер брзо се врати од шокот и со головите на Смолинг и на Руни израмни на 2-2, резултат на кој се замина на пауза по 45 минути игра. Клучен момент на мечот беше автоголот на Честер во 66. минута за победа на Јунајтед од 3-2.

Hull City – Manchester United 2:3 All Goals… by Honex_Futball

Традицијата продолжи, а фаворитот го доби и петтиот дуел против Хал во исто толку меѓусебни натпревари.

Од 16 часот се играат уште 8 дуели од празничното 18. коло, додека дербито меѓу Манчестер сити и Ливерпул е закажано за 18.30 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.