Трајко Вељановски: Мајчиниот јазик е обележје на идентитетот на еден народ,

Претседателот на македонското Собрание Трајко Вељаноски по повод, 21 декември, Денот на наставата на турски јазик, упати честитка до сите припадници од турската заедница кои живеат во Република Македонија.

– Мајчиниот јазик е обележје на идентитетот на еден народ, преку своите јазични карактеристики и пишаниот збор, тој народ ги покажува своите цивилизациски достигнувања, вели во честитката Вељаноски.

Турската заедница и турскиот јазик, како што посочува, се составен дел од мозаикот на културното богатсво на Македонија, кое се негува долги години наназад и претставува афирмација на различните култури и традиции во Република Македонија.

– Денес сме горди бидејќи во Република Македонија се почитуваат културните разлики и убеден сум дека турската заедница, како и сите останати заедници дава придонес во толеранцијата и соживотот меѓу сите граѓани во државата. Нашата заедничка цел е благосостојба на сите граѓани и просперитетна иднина на Република Македонија, истакнува Вељаноски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.